Yəmənin Mareb əyalətində hərbi düşərgənin raket atəşinə tutulması nəticəsində azı 60 nəfər həlak olub.

“capar.info”-nun məlumatına görə, bu barədə “Al-Arabiya” bildirib.

Qeyd edilir ki, hadisə nəticəsində 50-dən çox insan xəsarət alıb.

Daha əvvəl hərbi düşərgənin atəşə tutulması nəticəsində 24 hərbçinin həlak olduğu bildirilirdi. Hərbi mənbə fərz edib ki, raket ballistik olub.

***00:27

Yəmən ordusu atəşə tutulub.

Bu barədə “capar.info” RİA “Novosti”yə istinadən xəbər verir.

Yəmən ordusundakı mənbə agentliyə bildirib ki, ölkənin şimal-şərqindəki Mareb əyalətindəki ordu yataqxanası raket atəşinə məruz qalıb. Nəticədə 24 hərbçi həlak olub, daha 20 hərbi qulluqçu yaralanıb.

"Mareb əyalətinin şimal-qərbində Al-Mlil rayonunda kazarmaya raket hücumu nəticəsində 24 hərbçi həlak olub, 20 nəfər yaralanıb. Raketin ballistik olduğu ehtimal edilir", - agentlik bildirib.

"Ənsar Allah" hərəkatı (husilər-red) raket atəşinə görə məsuliyyəti üzərinə götürməyib.