"Mançester Yunayted" öz yetirməsi olan hücumçu Markus Reşfordu satmağa hazırdır.

Capar.info xarici mediaya istinadla xəbər verir ki, “qırmızı şeytanlar” bu qış Markus üçün təkliflərə açıqdır və oyunçunu ən geci gələn yaya qədər satmağı planlaşdırır.

Qeyd olunur ki, “Mançester Yunayted” Reşfordla ayrılmaqla onun maaşına qənaət edəcək ki, bu da mankunian klubunun maliyyə feyr-pley qaydalarına asanlıqla uyğunlaşmasına şərait yaradacaq.
Bu mövsüm 27 yaşlı universal hücumçu bütün turnirlərdə 23 oyuna çıxıb, 7 qol vurub və 3 məhsuldar ötürmə edib. Transfermarkt internet portalı Markusun bazar dəyərini 60 milyon avro olaraq qiymətləndirir.