capar.info: - İsmayıllı rayonu Quşencə kənd sakinləri Kendtv.info və Azinfo.tv yə müraciət edərək kənd kitabxanasının satıldığını iddia edirlər.
Biz 15 dəfə Quşencə kənd kitabxanasının yerləşdiyi əraziyə səhər saat 10-11 radələrində olduq və monitorinq apardıq. Heç birində kitabxananın işlədiyini görmədik.
Nəhayət sonuncu səfərimiz zamanı ərazidə video çəkiliş apardıq. Kitabxana şəxsi mülkiyyətə daxil olunub və onu ayıracaq hər-hansı bir divar yoxdur. Kitabxananın qarşısında olan dəmir qapı içəridən həmişə bağlı olur və əgər onu kimsə içəridən açmasa ora daxil olmaq qeyri-mümkündür. Bu da onu deməyə əsas verir ki,bu dəmir qapı sadəcə gözdən pərdə asmaq üçündür.


Kənd sakinləri bildirirlər ki, kitabxana 2014-2015-ci ildə ərazidə yerləşən mülkün sahibinə satılıb. Əlbətdə bu deyilənlərin nə qədər əsaslı olduğunu biz deyə bilmərik. Bəlkə də bu bir səhv düşüncə yaxud, düzgün olmayan bir gəlişmədir. Ancaq fakt budur ki, kitabxana işləmir və şəxsi mülkiyyətə daxil olmaqla ümumi istifadədədir. Bildiyimiz qədər qanunvericilik bu kimi şeyləri qadağan edir.
Quşencə kənd kitabxanası mədəniyyət və turizm nazirliyinin İsmayıllıda yerləşən regional mədəniyyət və turizm mərkəzinin tərkibində olan bir qurumdur. Kənd sakinlərinin qeyd etdiyi 2014-2015- çi illərdə İsmayıllı mədəniyyət və turizm mərkəzinin müdiri Azər Abbasov olub. Hazırda Azər Abbasov tutduğu vəzifədən azad olunub.Mənbə qeyd edir ki, kitabxana məsələsi birbaşa Azər Abbasovun əli ilə bu vəziyyətə gətirilib.
Əlbətdə burada hansı oyunlardan istifadə olunub ya olunmayıb, bunu araşdırmaq prokurorluğun səlahiyyətidir. Biz öz vəzifəmizi yerinə yetirərək deyilənləri ictimaiyyətə təqdim edirik. Eyni zamanda bu faktları cinayət prosessual qanunvericiliyi rəhbər tutaraq rayon prokurorluğuna göndəririk.İşin nəticəsindən asılı olaraq bu mövzunu davam etdirəcəyik.
Maraqlı olan daha bir fakt budur ki,baş verən bu məsələ ilə bağlı Quşencə kənd icra nümayəndəsi niyə vaxtında və zamanında lazımi dövlət qurumlarına məlumat verməyib?
Kənd kitabxanasının işçisi haqqında kifayət qədər məlumatımız var. Bilirik ki, əvvəllər kənd həkim məntəqəsinin tibb bacısı kimi çalışmış və sonradan xəstəlik üzündən təqaüdə göndərilib və kitabxana müdürəsi kimi fəaliyyət göstərir. Ancaq ortada qadın faktoru olduğu üçün ad çəkmirik, bu həm də həmin işçinin günahı deyil.
Mövzunu diqqətdə saxlayacayıq, araşdırmalar davam edir.Sonda videonu izləyin və paylaşın. Kanalımıza abunə olmağı unutmayın.

Redaksiyadan: Yazıda adları çəkilən şəxslərin də mövqeyini dərc etməyə hazırıq.

Elçin İsmayıllı. //azinfo.tv//