Capar.info - İctimai fəallıq vətəndaş olmaq məsuliyyətinin bariz göstəricisidir; bu, təkcə məsuliyyətli insan olmaq anlamında məna kəsb etmir, həm də dövlətçilik işində bir sıra dönüş yaradır.
Elə Bakı şəhər Qaradağ rayonu Neftçi Qurban adına 288 nömrəli tam orta məktəbin rəhbərliyi və müəllim heyətinin, həmçinin məktəb şagirdlərinin birgə təşəbbüsləri də bu prosesə təkan verən ictimai zəminlərdən biridir. Qeyd edək ki, adıçəkilən məktəb və onun müəllim-şagird personalının 2025-ci ildə “Konstitusiya və Suverenlik İli” çərçivəsində həyata keçirdikləri tədbirlərin də - xüsusən məktəbin ibtidai sinif müəllimi Məhrubə Vəliyevanın təşəbbüsü, 2 Ç sinif şagirdlərinin iştirakı ilə keçirilən tədbirin əsas özəyini məhz bu kimi mühüm məsəslələr təşkil edir. Adıçkilən məktəbin bugünlərdə yeni bir tədbirlə - yuxarıda bəhs etdiyimiz tədbirlə insanlara vizual təəssürat bəxş etməsi cəmiyyət işində aktiv fəaliyyətə malik olmağın başlıca təzahürüdür.
İbtidai sinif müəllimi Məhrubə Vəliyevanın təşəbbüsü ilə keçirilən tədbirdə əvvəlcə Dövlət Himni səsləndirilib, sonra Ulu Öndər Heydər Əliyevin, Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib, ruhlarına ehtiram göstərilib.
“Konstitusiya və Suverenlik İli” çərçivəsində start götürən tədbiri giriş sözü ilə məktəbin direktoru Aygün Hüseynova açıb, müstəqil Azərbaycanın hüquqi əsaslarının formalaşmasında Ümummilli Lider Heydər Əliyevin müstəsna rolundan bəhs edib, vurğulayıb ki, 1995-ci ildə qəbul edilmiş ilk Konstitusiyamız dahi rəhbərimizin dövlət idarəçiliyindəki uzaqgörənliyinin bariz ifadəsi, onun xalqımıza və dövlətimizə olan sarsılmaz sədaqətinin təzahürüdür.
Aygün xanım əlavə olaraq bildirib ki, Konstitusiyamız bütün mənası ilə müstəqil ölkəmizin inkişaf yolunu müəyyən edən, insanların hüquq və azadlıqlarının təminatını prioritet kimi göstərən ali və tarixi sənəddir. Nə xoş ki, bu gün Ulu Öndərimizin müəyyən etdiyi dövlətçilik siyasəti ölkə Prezidenti İlham Əliyev tərəfindən uğurla icra edilir, ölkəmizin müstəqilliyi və suverenliyi daha da möhkəmləndirilir.
Tədbirin xoş təəssüratı iştirakçılarda əhvalı tamamilə dəyişib. Qaradağ Rayon İcra Hakimiyyətinin məsul nümayəndəsi Abbas Hüseynov çıxışında bu amili xüsusi qabardıb, 2025-ci ilin ölkəmizdə “Konstitusiya və Suverenlik İli” elan edilməsinin əhəmiyyətindən danışıb, qeyd edib ki, Ulu Öndərimiz xalqımıza misilsiz xidmətlər göstərib, hüquqi və demokratik dövlət quruculuğu istiqamətində tarixi addımlar atıb.
Çıxışlardan sonra məktəbin şagird və müəllim kollektivi, həmçinin məktəbin şəhid məzunlarının anaları – Ataməli Musaoğlunun anası Leyla Musayeva, Ceyhun Əhmədxanovun anası Rəqibə Seyidova, Pərviz Məmmədovun anası Güllər Məmmədova, Səməndər İsmayılzadənin anası Fəridə İsmayılova, Qaradağ Rayon İcra Hakimiyyətinin məsul əməkdaşı Abbas Hüseynov iştirak edib, dövlətimizin şəhid ailələrinə göstərdiyi qayğıdan, ictimai işlərdə fallıq göstərən insanların daim qayğı ilə əhatə olunmalarından bəhs ediblər.
288 nömrəli tam orta məktəbin 2 Ç sinif şagirdləri tədbirə xüsusi rəng qatıblar. Onların ifasında milli rəqslər, vətənpərvər ruhda şeir və mahnılar səsləndirilib, səhnəciklər nümayiş olunub. İştirakçılar şagirdlərin hər çıxışını sürəkli alqışlarla qarşılayıb, bu alqışlarla onlarda sabaha inamı daha da möhkəmləndiriblər.
Beləliklə, 288 nömrəli tam orta məktəbdə “Konstitusiya və Suverenlik İli” çərçivəsində keçirilən tədbir hər
xoş hislər oyadıb, gənc nəslin maariflənməsində həlledici addım kimi dəyər tapıb.



AJB-nin üzvü.
Xəyalə İbrahimli.