Məşhur müğənni və aktrisa Cennifer Lopez Toronto Beynəlxalq Film Festivalında Mett Deymonla bir yerdə xeyli vaxt keçirib.

Capar.info xarici mediaya istinadən xəbər verir ki, 55 yaşlı Lopez 53 yaşlı Deymonla bütün gecə bir küncə çəkilərək, əl-ələ söhbət edib.

Həmin gecə Lopez diskoteka topunu xatırladan açıq-saçıq libası ilə göz qamaşdırıb.
Lopezin artıq boşanmaqda olduğu əri Ben Afflek gecəyə qatılmayıb. Afflek 40 ildən artıqdır ki, Deymonla yaxın dostdur və Lopezin son çəkildiyi filmin prodüseridir. Lopezin Affleklə fırtınalı evliliyi rəsmi olaraq ötən ay sona çatsa da, bu böyük görüşdə Afflekin iştirak etməməsi diqqət çəkib.

Yaxın mənbələrin məlumatına görə, Lopez aylarla münasibətlərini xilas etməyə çalışsa da, Afflekin “qaranlıq tərəfləri”nin öhdəsindən gələ bilməyib.