Kazandakı reabilitasiya mərkəzində 44 yaşlı xəstə qaçmaq üçün boğazını qələmlə deşməklə hədələyərək tibb bacısını girov götürüb.

Capar.info-nın xarici mediaya istinadla məlumatına görə, kişi alkoqol asılılığından müalicə üçün müəssisəyə yerləşdirilib. İki həftə sonra xəstə dözə bilməyib, tibb bacısını tutub boğazına qələm qoyub, oradan buraxılmasını tələb edib. 61 yaşlı şöbə rəhbəri hadisəyə operativ reaksiya verib və şəxsi avtomobili ilə həmin şəxsi müəssisədən kənara çıxarmağa razılaşıb.

Hücum edən şəxs şöbə müdirinin maşını ilə getməyə razılaşsa da, reabilitasiya mərkəzinin əməkdaşını buraxmayıb. Hər üçü xəstənin verdiyi ünvana çatanda 44 yaşlı kişi polis tərəfindən saxlanılıb.
Hücum edən şəxsə qarşı “girov götürmə” maddəsi ilə cinayət işi açılıb, onu 15 ilədək həbs cəzası gözləyir. Tibb bacısı ilə hər şeyin qaydasında olduğu qeyd edilir.