Moskvada gənc qadın dodaqlarını azaltmaq üçün estetik əməliyyatdan sonra xəstəxanada dünyasını dəyişib.

Capar.info Rusiya mediasına istinadla bildirir ki, o, bu əməliyyatı özəl klinikalardan birində edib. Anesteziya tətbiq edildikdən qısa müddət sonra qadın anafilaktik şoka düşüb. Özəl klinikanın həkimləri təcili yardım çağırıb, xəstə şəhər xəstəxanasına yerləşdirilib. Qadın beş gün xəstəxanada reanimasiyada yatıb. Həkimlər onun həyatı üçün mübarizə aparsalar da, qadın ölüb.

“Mərhum çox baxımlı, gözəl idi, deyəsən model idi”, deyə tibb dairələrindəki mənbə bildirib.
Cərrahlar bildirib ki, son zamanlar gözəl qadınlar arasında belə dodaqkiçiltmə əməliyyatları artıb.