Avropa İttifaqı ölkələri və Avropa Parlamenti 2035-ci ildən sonra daxiliyanma mühərrikli yeni avtomobillərin satışını qadağan etmək qərarına gəlib.

capar.info bildirir ki, “Reuters“in məlumatına görə, bu tip avtomobillərə qadağa 2050-ci ilə qədər Avropada neytral iqtisadiyyat yaratmaq planının bir hissəsidir. Qərar Avropa ölkələrinin elektromobillərə keçidini sürətləndirməlidir ki, bu da atmosferə istixana qazlarının emissiyasını azaltmağa kömək edəcək.

Avropa Parlamentinin fransalı deputatı Paskal Kanfen bu qərarı tarixi adlandırıb. Siyasətçinin sözlərinə görə, hazırda Avropada tullantıların 16 faizi avtomobil sektorunun payına düşür, lakin 2050-ci ilə qədər sferanı karbondan neytrallaşdırmaq mümkün olacaq.
Eyni zamanda Greenpeace nümayəndələri Avropa ölkələri hakimiyyətinin qərarını təqdir etməyiblər. "Avropa İttifaqı mənzərəli marşrut seçir, lakin bu marşrut fəlakətlə başa çatır", - təşkilatdan Belçikanın “The Brussels Times” nəşri ilə söhbətdə bildirilib.

Mütəxəssislərin fikrincə, ən geci 2028-ci ilə qədər qalıq yanacaqla işləyən yeni avtomobillər qadağan edilməlidir.