Nigeriyanın cənub-şərqindəki Ebonyi ştatında avtobusun qəzaya uğrayaraq çaya düşməsi nəticəsində 14 nəfər hadisə yerində, daha bir nəfər isə xəstəxanada ölüb.
Bu barədə yerli “Nation” qəzeti məlumat yayıb.
Məlumata görə, xilasedicilər avtobusu çaydan qaldırdıqdan sonra oradan 14 cəsəd çıxarıblar. Hadisədən sonra daha 5 sərnişin xəstəxanaya aparılsa da, onlardan biri orada keçinib. Daha 13 nəfər hələ də itkin düşmüş hesab olunur.
Məlumata görə, avtobusda 30-dan çox sərnişin olub. Bəzi yerli qəzetlər hadisə nəticəsində 30-dan çox insanın ölə biləcəyini yazıb.