ABŞ Suriyaya sanksiya tətbiq edəcək.
Bu barədə ABŞ-ın Birləşmiş Millətlər Təşkilatındakı daimi nümayəndəsi Kelli Kraft danışıb.
"Donald Tramp Administrasiyası sabah Bəşər Əsəd rejiminin hərbi nailiyyət əldə etməsinin qarşısını almaq, rejimi və müttəfiqlərini müzakirə masasına qaytarmaq üçün sanksiyalar tətbiq edəcək. ABŞ Əsəd rejimini vəhşilik və insan haqlarını pozmaq üçün istifadə etdiyi gəlir qaynaqlarından məhrum etməyi hədəfələyir. Bu şəkildə sülh ümidinin və siyasi prosesin qarşısındakı maneələr aradan qalxacaq”, - Kraft qeyd edib.
Qeyd edək ki, sözügedən sanksiyalar ABŞ Prezidentinin ötən ilin dekabr ayında imzaladığı "Sezar Suriya Mülki Müdafiə Qanunu” çərçivəsində tətbiq olunacaq.