ABŞ və Cənubi Koreya KXDR ilə dialoqun inkişaf etdirilməsi və nüvəsizləşdirmənin təşviqi məqsədi ilə son altı ayda dayandırdıqları birgə hərbi təlimlərin keçirilməsini bu gün bərpa ediblər. Bu barədə RİA "Novosti" xəbər verir.

Söhbət Cənubi Koreyanın Kyonsan Pukto əyalətinin sahillərindəki sularda iki həftə ərzində dabam edəcək KEYMEP (ROK-U.S. Korean Marine Exchange Program - KMEP) dəniz piyadaları təlimlərindən gedir.

Cənubi Koreyanın Müdafiə Nazirliyindən bildirilib ki, bu təlimlər iki ölkənin dəniz piyadalarının döyüş qabiliyyətini illik əsasda yoxlamaq məqsədi daşıyır. Qurumdan KXDR-in mümkün reaksiyası barədə şərh verməkldən imtina ediblər.

Nazirlik nə təlimlərdə iştirak edənlərin sayı, nə də iki ölkənin təlimlərə cəlb edilən silahları ilə bağlı məlumatları açıqlamır. Cənubi Koreya KİV-i isə təlimlərə amfibiya tipli döyüş maşınlarının və təxminən, 500 hərbçinin cəlb olunmasının planlaşdırıldığını yazıb.

Qeyd edək ki, daha əvvəl KEYMEP təlimlərinin 2018-ci ilin sentyabr ayına qədər keçirilməsi nəzərdə tutulmuşdu, lakin onlar nüvəsizləşdirmə üzrə dialoqun normallaşmasına dair Pxenyana verilən vədlər ilə əlaqədar təxirə salınmışdı.