PSJ-də çıxış edən fransız ulduz Kilian Mbappe kumiri Terri Anrinin istəyi ilə "Arsenal"a transfer oluna bilər.

Capar.info -nın xarici mediaya istinadla xəbərinə görə, Paris klubu ilə müqaviləsi başa çatmaq üzrə olan Kilian Mbappenin "Real"a keçidi yalan nağılına çevrilərkən, fransalı hücumçu ilə bağlı qəfil iddia ortaya çıxıb.

“The Independent” yazır ki, Kilian Mbappe üçün ən uyğun klub “Arsenal”dır. Terri Anrinin yolunu davam etdirmək istəyən Mbappe Şimali London komandasına keçmək istəyir, lakin “Arsenal” klubu rəhbərliyinin transfer strategiyasında dəyişiklik edəcəyi gözlənilmir.

"Liverpul"un Mbappenin transferi üçün cəhd etməyəcəyi bildirilib.

PSJ ilə müqaviləsi iyunun sonunda başa çatacaq Mbappenin gələcəyi ilə bağlı böyük qeyri-müəyyənlik var. Mbappenin "Real"a keçəcəyi ilə bağlı gərgin söz-söhbətlər var, lakin bu transfer hələ yekunlaşmayıb.

Xəbərdə Mbappenin “Real”dan gələn təklifə şübhə ilə yanaşdığı da qeyd edilib. İddia olunur ki, "Real"ın Mbappe üçün təklifi 2022-ci ildə müqavilə imzalamağa çalışarkən verdiyi təklifdən az olub.